Kali Kening Wanci Enjing
Joyojuwoto*
Sumunare srengenge gumebyar
Madangi salumahing bumi
Pedut sumibyak sirna katerak
Barat ing mongso ketigo
Weninge banyu Kali Kening
mbasuh pasuryaning enjing
Klerap-klerip mili
Ambabar ganda arum lan wangi
Grumisiking pring lan alang-alang
Sinawang kadya beksaning
Dewa-dewa ing angkasa
Kang sumawur sekar ing bawana
Elining banyu kali
Ing wanci enjing
Mangambah-ambah
Angresiki reregeting diri
Kali Kening Wanci Enjing
Bening suci
Angresepi ati
Anggawa kaendahaning negari“*Joyojuwoto, lahir di Tuban, Anggota Komunitas Kali Kening; Santri PP. ASSALAM Bangilan dan Penulis buku “Jejak Sang Rasul” tinggal di www.4bangilan.blogspot.com.
Tidak ada komentar:
Posting Komentar